Ангилал: Монгол хэл

Агуу сэтгэл-уужим талбиун сэтгэл.

Айх сэтгэл-эмээх сэтгэл.

Аминч сэтгэл-амин хувийн өчүүхэн ашгийг хичээх сэтгэл.

Амраг сэтгэл-хайр дурлалаар холбогдсон хосын сэтгэл.

Андуу сэтгэл-эндүү ташаа ухах сэтгэл.

Ариун сэтгэл-хир буртаг үгүй цэвэр нандин сэтгэл.

Атаат сэтгэл-атаа хорсол, өширхөл бүхий сэтгэл.

Атхаг сэтгэл-өш өвөрлөсөн хорон сэтгэл.

Ачлалт сэтгэл-ач буяныг хариулан тэтгэх сэтгэл.

Баатар сэтгэл-бодисадва нарын сэтгэл.

Бадрангуй сэтгэл-урмаар бялхаж, зоригоор жигүүрлэсэн ирмүүн сэтгэл.

Балагт сэтгэл-уршиг харгаа агуулсан олиггүй сэтгэл.

Барьцахуй сэтгэл-бусдын зэрэгт мөчөөрхөн тэмцэх сэтгэл.

Басамжлах сэтгэл-дорд үзэн доромжлох омогт сэтгэл.

Бат сэтгэл-эвдэрч холбирохгүй журамт сэтгэл.

Бахдах сэтгэл-хөхүүлэн дэмжиж, баясан бахархах атаагүй сэтгэл.

Бачит сэтгэл-заль мэх дүүрэн хуурмаг сэтгэл.

Баясгалант сэтгэл-хөөр цэнгэлтэй жаргалант сэтгэл.

Бодлогогүй сэтгэл-сэрэмж болгоомжгүй, аливаад хөнгөдөх сэтгэл.

Бодь сэтгэл-бусдын төлөө өөрийгөө зориулах нигүүлсэнгүй сэтгэл.

Будангуй сэтгэл-мунхаг бядуу, харанхуй бүдүүлэг сэтгэл.

Бузар сэтгэл-нүгэлт сэтгэл.

Буруу сэтгэл-хүний ёс зүйд нийцэхгүй, зөвөөс эсрэгцэх сэтгэл.

Буянт сэтгэл-ашиг завшааныг үл эрэн, гагцхүү буяныг хичээх сэтгэл.

Бядуу сэтгэл-болхи ядмаг, дорой сэтгэл.

Гажуу сэтгэл-зүй бусыг түшиж, тэрслэх сэтгэл.

Горилох сэтгэл-хүсэн хүлээх сэтгэл.

Гэгээн сэтгэл-муугийн сүүдэр тусаагүй ариун нандин сэтгэл.

Гэмт сэтгэл-нүгэл үйлдсэн, хор санасан сэтгэл.

Гэнэн сэтгэл-муугийн уршгийг үл мэдэх цагаан сэтгэл.

Гэмшгэлэнт сэтгэл-гэмшилт үйлдээ зовуурилах сэтгэл.

Гэрэвших сэтгэл-ичингүйрэн бишүүрхэх сэтгэл.

Дассан сэтгэл-ижилдэн нөхөрлөсөөр бүрэн зөвшөөрч үгүйлэхэд хүрсэн сэтгэл.

Далай сэтгэл-далай мэт энгүй уужим сэтгэл.

Далд сэтгэл-битүү бүрхэг, чанадад нуусан бодол сэтгэл.

Догширсон сэтгэл-ном эрдэмийг сурах гэтэл өөр зүйл бодогдох гарч явмаар санагдах сэтгэл цацран тэвчээр, туйлбар муутай сууж чадахгүй байгааг хэлнэ.

Дорд сэтгэл-өөрийгөө бусдаас доор тавьж, биеэ үл хөөргөх сэтгэл.

Дотно сэтгэл-ижилдэн дасаж, харилцан ойлголцсон сэтгэл.

Дотоод сэтгэл-зүрхний гүн дэх мөн чанар.

Дүүч сэтгэл-дүү лүгээ адил санах сэтгэл.

Журамт сэтгэл-чигч шулуун, нэгэн үзүүрт сэтгэл.

Живсэн сэтгэл-ном сурах сэтгэх гэтэл оюун ухаанд бууж тусахгүй, бүрхэг хийгээд сэтгэл мохсон, мятарсан байдлыг хэлнэ.

Завсаргүй сэтгэл-ан цав гарахын аргагүй бат ойлголцсон, хувирах нь үгүй сэтгэл. Зовлонт сэтгэл-зовлонд дайрагдаж шаналсан сэтгэл.

Зохистой сэтгэл-зүй ёсны дагуух зөв сэтгэл.

Зөв сэтгэл-ертөнцийн аж төрөх ёс зүйд зохилдон нийцэх санаа бодлого.

Зөөлөн сэтгэл-өрөвч нинжин сэтгэл.

Мунхаг сэтгэл-Үйлийн үрийн хийгээд ертөнцийн уг язгуурыг үнэнэээр танин үл ухаарах сэтгэл

Нинжин сэтгэл-маш өрөвч нигүүлсэнгүй сэтгэл.

Нигүүлсэнгүй сэтгэл-муу үйлийн хүлээснээс бие, хэл, сэтгэлээр ангижирч, бусдад тус үзүүлэх энэрэн хайрлах эрхэм чанар төгс бүрдсэн нинжин сэтгэл.

Нэгэн сэтгэлээр-урваж хөрвөхгүй, туйлбартай нэг санаагаар.

Нэгэн үзүүрт сэтгэл-нэг зүгт, буцалтгүй чиглэн төвлөрсөн сэтгэл.

Омогт сэтгэл-хэт бардамнан бусдыг басамжилж, дорд үзэх сэтгэл.

Оргилуун сэтгэл-хөөрч догдолсон цагаан сэтгэл.

Өмхий сэтгэл-сайны туяа үгүй башир хорон, атхаг сэтгэл.

Өрөвдөх сэтгэл-энэрэн хайрлах сэтгэл

Өөрийн сэтгэл-хувь хүний санаа бодол.

Өчүүхэн сэтгэл-хувиа хичээсэн, аминч сэтгэл.

Тачаангуй сэтгэл-юмс үзэгдэл шунаж, зовлонг төрүүлэх адхаг сэтгэл.

Сэтгэл авах-хайрлагдах, итгэл олох.

Сэтгэл адгах-сэтгэл тогтохгүй, яарч тэвдэх.

Сэтгэл алдах-санаа зовон гутах, итгэлгүй болох.

Сэтгэл алгасах-нэгийг чухалчлан бодлогоширч, нөгөөг санаа тавилгүй мартагнах, сэтгэл нэг чигт үл тогтох.

Сэтгэл алдрах-сэтгэлээ тогтоон барьж чадалгүй, жолоо алдан тэмүүлэх.

Сэтгэл амгалан-санаа сэтгэл амар төвшин.

Сэтгэл амрах-зовниж түгшүүрлэсэн санаа сэтгэл тайвширч талбиун болох.

Сэтгэл бардам-хийсэн бүтээсэндээ сэтгэл хангалуун.

Сэтгэл бахдам-хөхүүлэн дэмжиж бахархам сайхан.

Сэтгэл баясах-сайн үйлийн үрийг мэдэрч сэтгэл сэргэн хөгжих.

Сэтгэл богинодох-дотор цухалдаж, цээж бачимдах.

Сэтгэл булаах-сайн сайхан, гоо үзэсгэлэн нь сэтгэлийг эрхгүй татах.

Сэтгэл булаагдах-ихэд бахархаж санаа алгасах.

Сэтгэл бэлчих-анхаарал сарних, элдвийг шохоорхох.

Сэтгэл бэлчээх-анхаарал сарниулж, төвлөрүүлэхгүй байх.

Сэтгэл бялхам-сэтгэл ханамжтай байх.

Сэтгэл гансрах-уйд автаж, санаашран зовних.

Сэтгэл ганьхрах-сэтгэлийн тулгуур хазайх.

Сэтгэл гаргах-үнэн голоос санаачлага, зүтгэл тавих.

Сэтгэл гижигдэх-дур сонирхлыг соронзон мэт татах, аазгай хөдөлгөх.

Сэтгэл гийх-таатай зохистойг мэдэрснээр сэтгэлийн дотор солонго татах лугаа адил санагдах.

Сэтгэл гонсгор-санасандаа хүрч чадаагүйд урам хугарсан байдаг.

Сэтгэл гонсойх-итгэл бууран, урам хугарах.

Сэтгэл гөмсдөх-сэтгэлд хангалттай биш санагдах.

Сэтгэл гундах-зовнил шаналалд дарагдан баясгалангийн сүүдэр ч үгүй болох.

Сэтгэл гуниглах-санаа бодлыг уй гуниг нөмрөх.

Сэтгэл гуних-сэтгэл эмзэглэн уйтгарлах.

Сэтгэл гутах-үзсэн сонссоныг жигшин зэвүүцэж дур гутах.

Сэтгэл гутрах-найдвар алслан холдож, итгэл эвдрэн шаналах.

Сэтгэл гэгэлзэх-хөөрч догдлон, сэтгэл тогтохгүй тэмүүлэх.

Сэтгэл дагах-санаагаар болсон мэт сэтгэгдэх.

Сэтгэл давчдах-үймрэн бухимдаж, амгалан алдагдаж, хэтэрхий давчуу санагдах.

Сэтгэл догдлох-сэтгэл ихэд хөдлөн хөөрөх, зоригжих

Сэтгэл долгилох-хөөр баясал амссан сэтгэл ихэд догдлохуй.

Сэтгэл донслох-сэтгэл дэнслэх.

Сэтгэл донхолзох-санаа сэтгэл амаргүй.

Сэтгэл дундуур-хүсэж зорьсон зүйл сэтгэлд хангамжгүй байх

Сэтгэл дутах-хүнийрхэн хайнга хандах.

Сэтгэл дүүлэх-дотроо баярлан хөгсөх.

Сэтгэл дүүрэн-хэрэгтэй бүхэн бүтэлтэй, жаргалтай, дутах зовних юмгүй байх.

Сэтгэл дүүрэх-сэтгэл дүүрэн болох, санаа ханах.

Сэтгэл дэнслэх-сэтгэл санаа тогтуунгүй болж, догдлох.

Сэтгэл засах-сэтгэлийг тайвшруулах.

Сэтгэл зовиурлах-санаа бодол төвгүй болж эмзэглэх.

Сэтгэл зовних-алив зүйлийн төлөө санаа чилээх.

Сэтгэл зовох-сэтгэл эвэршээн шаналах.

Сэтгэл зовоох-өөр бусдын сэтгэлийг эмзэглүүлэх.

Сэтгэл зохилдох-санаа явдал нийцэх.

Сэтгэл зөөлрөх-сэтгэл уярах.

Сэтгэл зүрх-дотоод сэтгэл мэдрэмж.

Сэтгэл зүсэх-болохгүйн тул элэг эмтрэхэд хүргэх.

Сэтгэл маажих-эгдүү хүргэх, аазгай хөдөлгөх.

Сэтгэл мохох-элдэв арга сүвэгчлээд бүтэлд хүрээгүй тул дахин оролдох хүсэл замхрах.

Сэтгэл мунхрах-ухаан доройтох.

Сэтгэл мэдрэл-сэтгэн бодох, мэдрэх

Сэтгэл мятрах-сэтгэл зориггүй болох

Сэтгэл нийлэх-санаа, явдал зохицох.

Сэтгэл овойх-оморхох сэтгэл багахан төрөх.

Сэтгэл онгойх-сэтгэл уужирч, санаа амрах.

Сэтгэл өвдөх-харуусах, сэтгэлд эвэршээн зовох.

Сэтгэл эргэх-цааш хандсан сэтгэл наашаа болох.

Сэтгэл өег-тухайн юм санаанд нийцэлтэй байх, сэтгэл хангалуун байх.

Сэтгэл өндөр-ихэд баяртай, санааны сав дүүрэн байх.

Сэтгэл өөтүүлэх-сэтгэлийг сэвтээх.

Сэтгэл самуурах-сэтгэл бэлчин, элдэв зүйлийн бодолд автах.

Сэтгэл сарних-санаа бодол алгасрах, сэтгэл замхран одох.

Сэтгэл сэргээх-уй гуниг тохиолдсоныг тайтгаруулан тохинуулах, уйтгарыг дарах.

Сэтгэл сэрхийх-гэнэтийн юманд цочирдох, гэнэт санаанд орох.

Сэтгэл таарах-санаа бодол нийлэх.

Сэтгэл тавгүй-сэтгэлийн тав тохь алдагдсан.

Сэтгэл тавих-анхааралдаа авах, хичээн хандах.

Сэтгэл тайлах-сэв санахгүй болох.

Сэтгэл тайвшрах-сэтгэл амрах.

Сэтгэл тайтгарах-сэтгэл амсхийх.

Сэтгэл татам-сэтгэл татагдахгүй байхын аргагүй.

Сэтгэл татах-эрхгүй дурлах байдал төрөх.

Сэтгэл таягдах-сэтгэлийн тээрийг таягдан, сэтгэлдээ элдэв сэв санаагүй болох.

Сэтгэл тогтох-санаа бодол, анхаарал төвлөрөх, тогтуун болох.

Сэтгэл тогтуун-зовох чилэх эвэршээл үгүй, амгалан төвлүүн.

Сэтгэл төгөлдөр-ёгт нэр. хүмүүн.

Сэтгэл төөрөх-сэтгэл санаа төвлөрөхгүй үймрэн самуурах.

Сэтгэл төрүүлэх-аливаа зүйлийн талаарх сэтгэгдэл, ойлголт өгөх.

Сэтгэл түвшин-санаа сэтгэл зовиур үгүй, тэгш байх.

Сэтгэл түгших-болохгүй бүтэхгүй болов уу хэмээн хямарч амгалан алдагдах.

Сэтгэл тэнийх-зовнисон хэрэг сайнаар эргэж, санаа сэтгэл уужим тавиу болох.

Сэтгэл тэнүүн-зовох зүйлгүй санаа амар.

Сэтгэл урвах-санаа бодол холбирон, өөр санаатай болох.

Сэтгэл уужим-ууч тэнүүн сэтгэлтэй.

Сэтгэл уужрах-уур хилэн намдах, санаа амарч, сэтгэл тайвшрах.

Сэтгэл уярах-хатуу чанга сэтгэл эрхгүй зөөлрөн харих.

Сэтгэл үелзэх-сэтгэлийн тогтвор алдагдах.

Сэтгэл үймрэх-сэтгэл сарниж самгардах, хямрах.

Сэтгэл үймэх-дотор тогтворгүй болж, энэ тэрийг бодон аймрах.

Сэтгэл үүсгэх-сэтгэлийг бий болгох, төлөвшүүлэх.

Сэтгэл үхэх-хүсэл зориг, тэмүүлэл огт үгүй болох.

Сэтгэл хайлах-сэтгэл уярах.

Сэтгэл ханах-санасан үйл сэтгэлчлэн бүтэж, сая амгаланг мэдрэх.

Сэтгэл харих-итгэсэн сэтгэл хөрөх.

Сэтгэл хатуурах-сэтгэлийн энэрэн нигүүлсэхүй буурах.

Сэтгэл хоёрдох-сэтгэл хоёрын хооронд хувиарлагдан тээнэгэлзэх.

Сэтгэл цагаан-хар буруу санаагүй.

Сэтгэл хоргодох-ээнэгшиж дассанаасаа салж ядах.

Сэтгэл хөвсөлзөх-сэтгэл хөөрөн, догдлох.

Сэтгэл хөдлөл-аливаа үйл хэргийг хүлээн авах сэтгэлийн байдал.

Сэтгэл хөдлөх-сэтгэл хөхөн хөгжих.

Сэтгэл хөндөх-далдад ахуй сэтгэлийг сэрээх, сэдрээх.

Сэтгэл хөөрөх-баярт хэрэгт сэтгэл догдлон хөвсөлзөх.

Сэтгэл хөрөх-урам хугарч, хайр сэтгэл харих.

Сэтгэл хуваагдах-санаа сэтгэл төвлөрөнгүй бус болж олон юм бодогдох.

Сэтгэл хувиарлах-сэтгэл хоёрдох, хоёр тийш бодох.

Сэтгэл хувирах-санаа эргэх.

Сэтгэл хутгагчийн эзэн- ёгт нэр. чивэлт шулмас, садар самуун явдалтан.

Сэтгэл хямрах-сэтгэл таагүйдэж, тайван бус болох.

Сэтгэл цадах-санаа нь амрах, хангалууныг мэдрэх.

Сэтгэл цалгайрах-хичээл зүтгэл гаргахгүй, хайнга наазгай болох.

Сэтгэл цөхөх-санаа мохох, зориггүй болох.

Сэтгэл цөхрөх-зорьсон үйл бүтэхгүй болсныг нэгэнт мэдэж горьдлого тасрах.

Сэтгэл шаналах-сэтгэл энэлэн зовох

Сэтгэл шимшрэх-сэтгэл зүрх өвдөж, өрөвдөх сэтгэл төрөх

Сэтгэл шуудах-тухайн юмыг яаж хийх, шийдвэрлэх арга зорилтоо тодорхой тогтоох.

Сэтгэл шулуудах-гуйвж няцалгүй эцэслэн шийдэх.

Сэтгэл шуудрах-эргэлзээ арилж, тухайлсан зүйлийг хийхээр баттай шийдэх.

Сэтгэл эвдэх-гомдоох буюу сэтгэлийн тухыг алдуулах; сэтгэлийг нь булаах.

Сэтгэл эвдрэх-сэтгэл хувирч, санаа ондоолох;эмгэнэн зовуурилах.

Сэтгэл эвхрэх-сэтгэлд хорсол буюу гомдол бөөгнөрөн эмгэнэх.

Сэтгэл эмтлэх-сэтгэлийг эмзэглүүлэх, өрийг өвтгөх.

Сэтгэл эмтрэх-ихэд эмгэнэн зовох.

Сэтгэл эргэх-зөрчил, муудалцлаас шалтгаалан түүний төлөөх сэтгэлийн дур гутах.

Сэтгэлгүй болох-санаа арилан завхрах, хайр сэтгэл хөрж хагацах.

Сэтгэлгүй хандах-чин үнэнээс зүтгэлгүй илбэж өнгөрөх, хайнга хандах.

Сэтгэлд багтамгүй-төсөөлж чадамгүй, санаанд оромгүй.

Сэтгэлд дотно-сэтгэлд ойрхон, аятай санагдах.

Сэтгэлд дулаан-сэтгэлд зохистой.

Сэтгэлд зохисгүй-сэтгэлд нийцэл үгүй, таатай бус.

Сэтгэлд зохист-сэтгэлд нийцэхүйц, таатай.

Сэтгэлд нийцэх-санаанд таарах.

Сэтгэлд орох-санаанд үлдэх, тогтоогдох.

Сэтгэлд хадагдах-санаанаас үл гаран, үргэлж бодогдох.

Сэтгэлд хоногших-сэтгэлд уягдах

Сэтгэлд хүрэхгүй-итгэж хүлээж байсанд хүрэхгүй байх.

Сэтгэлдээ идтэн-сэтгэлийн тэнхээ үлэмж нэгэн.

Сэтгэлдээ эргэцүүлэх-санаа сэтгэлдээ тунгаан бодох.

Сэтгэлийг булаах, татах-дур хайр буюу сонирхлыг эрхгүй татах.

Сэтгэлийг булигч (булаагч)-зүрх сэтгэлийг хулгайлагч.

Сэтгэлийг гийгүүлэх-сэтгэлийг баясгаж, гэрэлтүүлэх.

Сэтгэлийг мэдэх-сэтгэл санааг зөвөөр жишиж мэдэх, хүмүүс дотно харьцаатай болсноос харилцан үзэл санаагаа мэдэлцэх.

Сэтгэлийг мятаах-хүсэл зоригийг мохоож шантраах.

Сэтгэлийг төрүүлэх-сэтгэлийг үүсгэх, санагдах.

Сэтгэлийг тэгшитгэх-ухаан бодлоо төвлөрүүлэн тогтоохуй.

Сэтгэлийг тэжээх-сэтгэлийг тамиржуулах, сэтгэлд дэм болох.

Сэтгэлийг хөдөлгөх-хайрлах, хүндэтгэх, бахархан бишрэх, өрөвдөх зэрэг бодол төрүүлэх байдалд оруулах.

Сэтгэлийг эгүүлэх-сэтгэл санааг хариулах, буцаан авах.

Сэтгэлийг эзлэх-сэтгэлийг татах, санаа бодлыг эзэмдэх.

Сэтгэлийг ээдүүлэх-итгэл найдварыг хөсөрдүүлэн сэтгэлд сэв суулгах.

Сэтгэлийн атгаг-сэтгэлийн хорон муу төрх.

Сэтгэлийн бахдал-санааны бахархал.

Сэтгэлийн бузар-сэтгэлийн жигшил, зэвүүцэл.

Сэтгэлийн бүлүүр-зөрүүд зан.

Сэтгэлийн гарз-хэрэг учрын тухайд хэдий сэтгэлээ чилээсэн боловч талаар болох явдал.

Сэтгэлийн гэр орон-ёгт нэр. зүрх

Сэтгэлийн засал-буруу бодлыг халан өөрчлөх үйл.

Сэтгэлийн дуудлага-сэтгэл зүрхийг татах хүчин.

Сэтгэлийн дэм-сэтгэл санааны тусламж дэмжлэг.

Сэтгэлийн жолоо-сэтгэлийн залуур

Сэтгэлийн зовлон-сэтгэлийн гансрал, гутрал.

Сэтгэлийн зовуурь-бодол санааг зовоогоод байдаг учир явдал.

Сэтгэлийн мухарт-санааны гүнд, бодлын угт.

Сэтгэлийн зугаа-сэтгэл санааг саатуулах зүйл.

Сэтгэлийн нөхөр-туйлын дотно хүн.

Сэтгэлийн өвчин-шийдвэрлэж чадахгүй учрын төлөө сэтгэл зовсоор олох өвчин буюу санааширч бодлогоширсноос үүдэх өвчин.

Сэтгэлийн сахил-сэтгэлдээ хичээнгүйлэн мөрдөх бишрэл, журам.

Сэтгэлийн сэв-дотно харьцаанд үүсэх илчлэх баримтгүй сэжигтаавар, эргэлзэхүй, итгэл алдрах бодол.

Сэтгэлийн сэрэл-сэтгэлийн сэрж мэдрэх үйл хийгээд чадвар.

Сэтгэлийн таалал-сэтгэлийн дур, таашаан болгоох санаа.

Сэтгэлийн тэрэг-ёгт нэр. санаа.

Сэтгэлийн тээр-бодол сэтгэлгээг хүлээсэлж бүхүй ямар нэгэн дараас.

Сэтгэлийн уг-санаа бодлын гүн.

Сэтгэлийн уяа-бодлоос огт гарахгүй, сэтгэлд хоногшсон зүйл.

Сэтгэлийн үг-санаа бодлын чанадаас гарах үнэн үг.

Сэтгэлийн үйл-сэтгэлээс болсон олон төрх байдал.

Сэтгэлийн хань-туйлын эвтэй дотно эр эм хийгээд сэтгэлийг тайтгаруулах, баясгах зүйл.

Сэтгэлийн харам-хэлж чадахгүй, хийж чадахгүй боловч бусдаас харамлаж өөриймчлөх бодол.

Сэтгэлийн хичээл-ёгт нэр. шинжлэхүй.

Сэтгэлийн хүн-сэтгэлдээ хайрлах хүн.

Сэтгэлийн хүч-сэтгэлийн тэнхээ.

Сэтгэлийн хир-муу санаа, нисваанис

Сэтгэлийн хөдөлгөөн-хэрэг учрыг хүлээн авах сэтгэлийн үйл байдал.

Сэтгэлийн хөндүүр-сэтгэлийн шарх, сэтгэл эмзэглэх зүйл

Сэтгэлтэй болох-амраг сэтгэл бий болох, хайртай болох.

Сэтгэлээ барих-уурласан, баярласан, гунигласан зэргээс болж догдлох сэтгэлээ тогтоох, тэвчин өнгөрөөх.

Сэтгэлээ битүүмжлэх-сэтгэл оюунаа бусдаас тусгаарлан, нэгэн биедээ түгжих.

Сэтгэлээ боох-санаа бодлоо хязгаарлах.

Сэтгэлээ гинжлэх-сэтгэлээ хорьж хязгаарлах, хатамжлах.

Сэтгэлээ дасгах-өөриймсөн хүлээж авахын тул сэтгэлээ хүчлэх.

Сэтгэлээ засах-аль болох сайныг бодож гутарч гунихгүйг хичээх.

Сэтгэлээ жолоодох-сэтгэлийг удирдан залах.

Сэтгэлээ номхтгох-дур хүслээ тэвчин дарах.

Сэтгэлээ нээх-илэн далангүй, ний нуугүй итгэн өгүүлэх.

Сэтгэлээ өгөх-хайр сэтгэлээ тушаах, үнэн хайртай болох.

Сэтгэлээ саатуулах-сэтгэлийн хямралаа элдвээр аргацаах.

Сэтгэлээ тушаах-бодож санаснаа бүрэн гаргаж хэлэх, сэтгэлээ даатган өгөх.

Сэтгэлээ хаах-сэрэмжлэн болгоомжилж, сэтгэлээ хумих.

Сэтгэлээ хатамжлах-гуниг зовлонгийн өмнө сэтгэлээ чангалж хатуу зориг үүсгэх. Сэтгэлээ хорих-хүслээ хааж, ухаанаараа жолоодох.

Сэтгэлээ хуваалцах-санаа бодлоо хуваалцаж, жаргал зовлонгоо хамтатгах.

Сэтгэлээ хураах-уулын санасан сэтгэлээ тэвчих, болих, хөөрсөн хөхсөн буюу эх захгүй замбараагүй үймчсэн бодлыг хумин тэвчээрлэх.

Сэтгэлээ хуурах-сэтгэлээ аргацаан саатуулах, талаар бодох.

Сэтгэлээ цатгах-бодсон санасандаа хүрч санаа хүслээ хангах.

Сэтгэлээ чангалах-биеэ барьж хатуу зориг үүсгэх.

Сэтгэлээ чилээх-ямар нэгэн хэрэг явдлын төлөө санаа бодлоо зовоох.

Сэтгэлээр унах-гутарч гуних, эмгэнэн зовох зэргээр итгэл зориг, цог жавхаагүй болох. Сэтгэлээс үүдэх_сэтгэлээс бий болох, шалтгаалан гарах.

Сэтгэлчлэн бүтэх-санаснаар болох.

Уйдах сэтгэл-цөхрөн хөндийрөх сэтгэл.

Уудам сэтгэл-уужим сэтгэл.

Уярах сэтгэл-сэтгэл уярч, зөөлрөх

Үлэмж сэтгэл-бодь сэтгэл, бусдыг үлэмж энэрэх сэтгэл.

Үнэн сэтгэл-хоёргүй сэтгэл.

Хайр сэтгэл-дурлал хайр.

Халуун сэтгэл-дотно сэтгэл.

Хар сэтгэл-хорлол хөнөөлтэй сэтгэл.

Харгис сэтгэл-өршөөхийг үл мэдэн дарлах түрэмгий догшин сэтгэл.

Хатуу сэтгэл-энэрэл хайргүй сэтгэл.

Ховдог сэтгэл-хэмжээг үл мэдэн, ёроолгүй шунаглах сэтгэл.

Хоёр сэтгэл-ёгт нэр. сэжиг.

Хэлбэрэлгүй сэтгэл-урваж хөрвөх нь үгүй шулуун сэтгэл.

Цагаан сэтгэл-хар хоргүй, гэнэн сэтгэл.

Чин сэтгэл-хоёргүй үнэн сэтгэл.

Шударга сэтгэл-үнэн мөнийг эрхэмлэх чигч сэтгэл.

Эзэрхэг сэтгэл-өөрийн биеийг тэргүүнд сэтгэн, бусдыг аархан оморхох сэтгэл.

Элбэрэлт сэтгэл-зохистойгоор хүндэтгэн хайрлах сэтгэл.

Энэрэнгүй сэтгэл-өршөөн хайрлах сэтгэл.